Lajme

Spasovski nuk e le Bushin të flet: Nuk ke të drejtë fjale, je i ndëshkuar

Nazim Bushi, njeriu i dytë në Ministrinë e Brendshme, vuri maskë mbrojtëse. Nëse katër ditë më parë, nga pozita e Zëvendësministrit, së bashku me bashkëpartiakët organizuan një festë ditëlindje, për Ali Ahmetin pa maska, Bushi sot respektoi protokollet. Gazetarët i kërkuan Zëvendësministrit të tregonte për grumbullimin në Ministrinë për Sistem Politik, por, ministri Spasovski ndërhyri.

“Jo, unë do të përgjigjem, sepse ai është i ndëshkuar. Ai nuk mund të përgjigjet, dhe sepse është i ndëshkuar ai tani mban maskë. Po të mos ishte ndëshkuar, ndoshta nuk do ta mbante maskë tani, dhe të gjithë që ishin ulur në atë tryezë, qofshin deputetë apo ministra, janë ndëshkuar”, tha Oliver Spasovski, Ministër i Brendshëm.

Sot, Inspektorati i Punës i shkroi një gjobë prej 500 eurosh Zëvendëskryeministrit të Parë Artan Grubi, i cili ishte nikoqir i kryesisë së partisë. Inspektorët konstatuan mosrespektim të Ligjit për Mbrojtjen e Popullsisë nga Sëmundjet Infektive. Ministri i Shëndetësisë, nga ana tjetër, beson se gjobat për funksionarët e BDI-së, janë një mesazh i mirë se sistemi funksionon.

“Masat vlejnë për të gjithë. Edhe ata kolegë gjithashtu dolën publikisht dhe thanë se do t’i paguajnë gjobat e parashikuara nga të gjitha ato masa, protokolle dhe sanksione, që mendoj se është një shenjë e mirë dhe dëshmi se ligji zbatohet për të gjithë”, tha Venko Filpçe – Ministër i Shëndetësisë.

Related Articles

Leave a Reply

Your email address will not be published. Required fields are marked *

Back to top button