LajmeSport

Presidenti i UEFA-së, Çeferin: Jam i kënaqur nga hapat e mëdha që FFM i arriti nën udhëheqjen e Muamed Sejdinit

Drejtuesit e Federatës së Futbollit të Maqedonisë të udhëhequr nga presidenti Muamed Sejdini dhe Sekretari i Përgjithshëm Filip Popovski sot në selinë e UEFA-së në Nion të Zvicrës zhvilluan një takim pune me presidentin e UEFA-së, Aleksandar Çeferin dhe drejtorin e Shoqatave Kombëtare të UEFA-së, Zoran Lakoviq.

Me ftesë nga njeriu i parë i Shtëpisë së Futbollit Europian, Aleksandar Çeferin, presidenti dhe Sekretari i Përgjithshëm i FFM-së në takim diskutuan zhvillimet aktuale në futbollin e Maqedonisë, mbështetja e UEFA-së për projekte të rëndësishme zhvëllimore të FFM-së si dhe pjesëmarrja e përfaqësueses së Maqedonisë në Kampionatin Europian.

UEFA dhe presidenti i saj Aleksandar Çeferin vlerësojnë se suksesi dhe progresi i FFM-së nën udhëheqjen e Muamed Sejdinit është jashtëzakonisht i rëndësishëm.

Presidenti Çeferin dhe UEFA besojnë fuqimisht në strategjinë tonë dhe sinqerisht na mbështesin. Sukseset janë rezultat i menaxhimit dhe kujdesit të mirë për futbollin e Maqedonisë.

Fjalët e mira për suksesin e përfaqësueses tonë për kualifikimin në Kampionatin Europian janë krenari për ne dhe na japing energji dhe entuziazëm shtesë në pritje të ndeshjeve për EURO 2020.

Gjithashtu, për ne është shumë e rëndësishme që UEFA dhe presidenti Çeferin japin mbështetje të pakushtëzuar për FFm në organizimin e Kuvendit Zgjedhor, duke potencuar se e njejta duhet të jetë e pavarur dhe e pa ndikime anësore.

As UEFA e as FIFA nuk mund të ndikojnë në zgjedhjen e drejtuesve të ri në FFM, ashtu si politika që nuk mund të ndikojë. Kjo do të ishte në kundërshtim me statutet.

Federata jonë do të vazhdojë të japë kontributin e saj në projektet aktuale dhe të ardhshme të UEFA-së, të cilat drejtohen në të mirën e futbollit europian. Një falenderim deri te presidenti Çeferin, para se gjithash për mbrojtjen dhe zhvillimin e futbollit. Në atë rrugë ai gjithmonë do të ketë mbështetjen tonë”, ka thënë presidenti i FFM-së, Muamed Sejdini.

Të dy presidentët biseduan për projektet e infrastrukturës, si dhe për iniciativa të ngjajshme për zhvillim të futbollit të të rinjëve si një angazhim për FFM-në për arritjen e rezultateve të reja të mëdha në nivelin Europian.

Unë jam i kënaqur me hapat e mëdha që Federata e Futbollit të Maqedonisë i ka bërë në vitet e fundit nën udhëheqjen e Muamed Sejdinit. Me të vërtet si vend keni filluar ti regjistroni të gjitha përfitimet e përpjekjeve tuaja në vitet e fundit. Nga kualifikimi i Maqedonisë U21 në Kampionatin Europian në vitin 2017 në Poloni, deri te përfaqësuesja A e cila u kualifikua në Europian për herë të parë në histori”, ka thënë presidenti i UEFA-së, Aleksandar Çeferin.

Related Articles

Leave a Reply

Your email address will not be published. Required fields are marked *

Back to top button